Nasist lider Adolf Hitlerin "Mənim mübarizəm" ("Mayn Kampf") kitabı satışa çıxarılacaq.

ANS PRESS-in məlumatına görə, iki cildlik kitab martın 26-da hərraca qoyulacaq. Hitlerin şəxsi imzası olan həmin kitabla birlikdə Venesiyanın polis bölməsindən onun adına göndərilən kart da satışda olacaq.

Qeyd edək ki, Hitlerin "Mayn Kampf" ("Mənim mübarizəm") ikicildlik kitabı Nasist partiyasının ilk üzvlərindən İosif Bauerə imzalayıb verdiyi deyilir. O, Bauerə 1926-cı ildə yeni il günü hədiyyə etdiyi kitabında xoş diləklərini ifadə edib. Gənc Adolf Hitler sözügedən kitabını həbsdə olduğu müddətdə yazıb və Almaniyanın çətinliklərinin Yəhudi ilə Marksist qruplardan qaynaqlandığını irəli sürüb. Hitlerin 1933-cü ildə iqtidarı ələ keçirməsindən sonra əsərin milyonlarla nüsxəsi nəşr olundu. Kitab 1936-cı ildə bütün yeni evlənənlərə hədiyyə olaraq paylanmışdı.
Mənbə
ANS PRESS