UNESCO-nun mənzil iqamətgahında Novruz bayramı qeyd edilib.

ANS TV-nin məlumatına görə, Azərbaycan, Əfqanıstan, Türkiyə, İran, Hindistan, İraq, Qazaxıstan, Pakistan, Tacikistan və Türkmənistanın qurum yanındakı daimi nümayəndəliklərinin təşəbbüsü ilə bayram təntənə ilə qeyd olunub.

Bu dəfə İranın UNESCO yanındakı daimi nümayəndəliyinin rəhbəri Əhməd Cəlali Novruz bayramını iştirakçılara təqdim edib. O, dünyada 300 milyondan artıq insan tərəfindən ruzi və bərəkət bayramı kimi qeyd edilən Novruzun yazın gəlişindən, təbiətin oyanışından xəbər verdiyini diqqətə çatdırıb.

Diplomat 2010-cu ildə BMT Baş Məclisi tərəfindən Novruzun UNESCO-nun Qeyri-Maddi Mədəni İrs siyahısına daxil olunduğunu və hər il martın 21-nin beynəlxalq Novruz günü kimi qeyd olunması haqda qərar qəbul edildiyini xatırladıb.

Tədbirdə Azərbaycanın zəngin mətbəxinin nümunələri və təlamlar iştirakçıların böyük marağına səbəb olub.

Mənbə
ANS-TV