Nikol Paşinyan hakimiyyətə gələndən sonra LGBT
(Lezbiyan, Gey, Biseksual, Transseksual) hərəkatı Ermənistanda
ayaqlanmağa başlayıb.
Publika.az xəbər verir ki, LGBT-nin aktivləşməsinə birbaşa
Paşinyanın özü dəstək verir.
Paşinyan hələ jurnalist olaraq LGBT hərəkatının legitimləşdirilməsi
ideyasını dəstəkləyirdi. Görünür, o, hakimiyyətə gəlməsindən
istifadə edərək, keçmiş arzusunu həyata keçirir.
15-18 noyabr tarixində İrəvanda “LGBT-xaçpərəstlərin forumu”
keçiriləcək.
“Eadaily” saytının məlumatına görə, “LGBT-xaçpərəstlərin forumu”nun
mövcudluğu yaxın vaxtlarda məlum olub. İlk forum da məhz İrəvanda
baş tutacaq.
Forumun əsas təşkilatçısı “LGBT Avropa forumu”dur. Bu təşkilatın
mərkəzi ofisi Amsterdamda yerləşir. Bu platformanın layihələri ABŞ
və Avropa fondları tərəfindən maliyyələşdirilir. Təşkilatın rəsmi
saytında layihələrin Açıq Cəmiyyət İnstitutu (Soros Fondu) və
“Arcus” tərəfindən maliyyələşdirildiyi qeyd olunur.
İrəvanda keçiriləcək “LGBT-xaçpərəstlərin forumu”nun maliyyə
dəstəkçisi də məhz “Arcus” fondudur. Forumun yerli tərəfdaşı
Ermənistanda “Yeni nəsil” qeyri-hökumət təşkilatıdır. “Yeni nəsil”
əsasən Soros Fondu, Avropa Komissiyası, USAİD (Amerika Beynəlxalq
İnkişaf Agentliyi) və digər Qərb təşkilatlarından qrant alır.
“Arcus” fondu dünyada LGBT təşkilatlarının əsas himayədarıdır. Bu
fondun əsası 2000-ci ildə ABŞ-ın Miçiqan ştatında qoyulub. Fondun
Britaniyanın Kembric şəhərində də ofisi var. Fondun təsisçisi və
prezidenti “Strayker” korporasiyasının rəhbəri Con Straykerdir və
onun sərvəti 2,9 milyard dollar dəyərində qiymətləndirilir.
Fond dünyanın 30 ölkəsində 400-dən çox təşkilatla əməkdaşlıq edir.
Fondun digər iş istiqaməti isə “Dünya dinlərinin qlobal
proqramı”dır. Bu layihəni “Dini LGBT fəalları” təşkilatı həyata
keçirir.
Məlumatlara görə, “Arcus” fondu ailə və nikahın, eləcə də əxlaq və
dini əxlaqın aradan qaldırılması kampaniyası ilə məşğul olur.
2000-2017-ci illərdə fond 500 milyon dollar qrant ayırıb. Bu
məbləğin 28,7 milyon dolları məhz LGBT təşkilatlarına verilib.
İrəvanda keçiriləcək forumun əsas devizi belədir: “Cəsarət edin,
çünki mən dünyaya qalib gəldim”. Rəsmi press-relizdə qeyd olunur
ki, forumun plenar iclaslarında ilahiyyatçılar, keşişlər və kilsə
liderləri məruzələrlə çıxış edəcəklər.
Erməni politoloq Arman Qukasyan Paşinyan hakimiyyətini bu məsələyə
müdaxilə etməməkdə ittiham edir.
Onun fikrincə, hakimiyyət yeni hakimiyyət LGBT hərəkatının
Ermənistan cəmiyyətində aktivləşməsində maraqlıdır.
Görünür, Ermənistanın Qərbdən maliyyə dəstəyi almaq üçün LGBT-yə
bel bağlamaqdan başqa yolu qalmayıb.
Asif
