“Mançester Siti”nin qapıçısı Ederson klubun tarixinə
düşüb.
Braziliyalı qolkiper “şəhərlilər”in heyətində İngiltərə Premyer
Liqasında qol ötürməsi edən ilk qapıçı olub.
Premyer Liqanın 2-ci turunda keçirilən “Haddersfild”lə ev
oyununun 25-ci dəqiqəsində məhz Edersonun ötürməsindən sonra Serxio
Aquero hesabı açıb. İndiyə qədər “Mançester Siti”nin heç bir
qapıçısı məhsuldar ötürmə müəllifi olmamışdı.
Qeyd edək ki, “Mançester Siti” sözügedən oyunda “Haddersfild”ə 6:1
hesabıyla qalib gəlib (Qol.az).
