"Beşiktaş" heyətini yeni ulduz futbolçu ilə gücləndirməyə hazırlaşır.
Metbuat.az xəbər verir ki, İstanbul təmsilçisi "Arsenal"ın belçikalı cinah oyunçusu Leandro Trossardın transferini başa çatdırmaq üzrədir. Məlumata görə, tərəflər 3+1 illik müqavilə ilə razılığa gəlib. Trossardın illik 8 milyon avro xalis maaş alacağı bildirilir. Müqavilədə imza və performans bonuslarının nəzərdə tutulmadığı qeyd olunub. "Beşiktaş"ın "Arsenal"la da razılıq əldə etdiyi vurğulanır.
Məlumata görə, Türkiyə klubu İngiltərə təmsilçisinə 18+2 milyon avro transfer haqqı ödəyəcək. Trossard dünya çempionatında Belçikanın heyətində uğurlu oyun nümayiş etdirmişdi.
