Ermənistanda bu ilin iki ayında ət məhsullarının qiyməti 2014-cü ilin eyni dövrü ilə müqayisədə 7.6% artıb.

ANS PRESS-in məlumatına görə, bunu Ermənistan Statistika İdarəsi açıqlayıb.

Bildirilir ki, 2015-ci ilin martında İrəvanda ötən ilin eyni ayı ilə müqayisədə ətin və ət məmulatlarının mal qrupunda qiymətləri xeyli bahalaşıb. Bu isə fevraldan martadək olan müdətttə 0.8% yüksəliş deməkdir.

Respublikada 2015-ci ilin mart ayında fevralla müqayisədə qiymətlərin 6.0% artımı müşahidə edilib. Donuz əti və mal əti müvafiq olaraq 2.0% və 1.0%, kolbasa 1.7%, toyuq və donuz budu 1.4%, ət qiyməsi 1.3%, bişirilmiş kolbasalar 0.7%, qoyun əti isə 0.6% artıb.

Ötən ayda respublikanın on şəhərində ət və ət məhsulları üzrə qiymət artımı ilin ikinci ayı ilə müqayisədə 1.9% yüksəlib.

Yerli ekspertlər bildiriblər ki, bahalaşma ilə yanaşı, ölkədə ət qıtlığı da yaranıb: "Bu, ölkədə yaşanan iqtisadi böhranın nəticəsidir. Həmçinin, bu, kənd təsərrüfatı sektorunun çökməsi, yerli məhsul istehsalının yoxluğu ilə əlaqəlidir."
Mənbə
ANS PRESS