Tbilisi, 11 aprel, AZƏRTAC
Aprelin 11-də Tbilisidə idmanın ağırlıqqaldırma növü üzrə Avropa çempionatı start götürüb.
Aprelin 18-dək davam edəcək çempionatda 40-a yaxın ölkədən 232 idmançı iştirak edir. Onlardan 96-sı qadın, 136-sı kişi atletdir.
Azərbaycan bu çempionatda 2-si qadın olmaqla 6 atlet ilə təmsil olunur.
Qeyd edək ki, bu çempionatın münsiflər heyətində Azərbaycanı Əməkdar İdman Xadimi, beynəlxalq dərəcəli hakim Vahid Nəzərov, hakimlər heyətində isə Azərbaycanın Əməkdar Məşqçisi, beynəlxalq dərəcəli hakim Azad Mustafayev təmsil edirlər.
Çempionatın ilk günündə Azərbaycan atleti Elmar Alıyev 56 kiloqram çəki dərəcəsində A qrupunda mübarizə aparacaq.


Xətayi Əzizov
AZƏRTAC-ın xüsusi müxbiri
Tbilisi