Bakı, 10 aprel, AZƏRTAC
Nizami Rayon İcra Hakimiyyətinin, Yeni Azərbaycan Partiyası (YAP) Nizami rayon təşkilatının, rayon gənclər və idman idarəsinin birgə təşkilatçılığı ilə ulu öndər Heydər Əliyevin anadan olmasının 92-ci ildönümü və II Dünya Müharibəsində qələbənin 70 illik yubileyi münasibətilə rayon məktəbliləri arasında peyntbol yarışı keçirilib.
AZƏRTAC xəbər verir ki, Bakı Peyntbol Mərkəzində baş tutan yarışmanın açılışında Nizami Rayon İcra Hakimiyyətinin ictimai-siyasi və humanitar məsələlər şöbəsinin müdiri Əli Axundov, YAP Nizami rayon təşkilatının aparat rəhbəri Ramil Vəlibəyov və başqaları çıxış edərək bildiriblər ki, bu cür yarışların keçirilməsi gənclərdə vətənpərvərlik hisslərini yüksəltmək və onların layiqli vətəndaş kimi yetişmələrinə dəstək məqsədi daşıyır.
22 məktəbin nümayəndəsinin iştirak etdiyi yarışda dörd komanda olimpiya sistemi üzrə gücünü sınayıb. Yarışın sonunda qaliblər mükafatlandırılıb.