[ 06 Aprel 2015 13:19 ]
Bakı – APA. Futzal üzrə milli komandamız beynəlxalq turnirdə iştirak edəcək. Apasport.az-ın AFFA-nın rəsmi saytına istinadən məlumatına görə, yığmamız bu məqsədlə aprelin 22-dən 24-dək Moldovada olacaq.
Baş məşqçi Tino Perezin komandası Kişinyovdakı turnirdə 2 oyun keçirəcək. Millimiz aprelin 23-də Yunanıstan, ertəsi gün isə Moldova yığması ilə qarşılaşacaq.
Qeyd edək ki, milli komandamız sentyabrın 15-də və 22-də Avropa çempionatının pley-off mərhələsində iştirak edəcək.
