Azərbaycan - Ermənistan təmas xəttinə yaxın olan Tovuzun Əlibəyli kəndində partlayış baş verib. Partlayış yaşayış evlərinin birində, ev sahiblərinin topladığı odun içində partlamamış güllənin olması nəticəsində baş verib. Hadisə nəticəsində iki nəfər ağır yaralanıb.

ANS TV-nin bölgə müxbiri xəbər verir ki, partlayış isə ötən gün gecə saatlarında ev sahibəsinin odun sobasını yandırmaq istəyərkən güçlü partlayış baş verib. Belə ki, ev sahibi, 1964-cü il təvəllüdlü Atlaz Mehvalı qızı Şirinova meşədən qış üçün tədarük edilən odunu evə gətirib. Odunun içində partlamamış güllə olub. Odun sobaya atılan zaman güclü partlayış baş verib. Nəticədə qadın müxtəlif dərəcəli bədən xəsarətləri alıb. Atlas Şirinova Tovuz Mərkəzi rayon xəstəxanasına çatdırılıb.

Yaralı Atlas Şirinovanın sözlərinə görə, odunun içində partlamamış güllə olub: “Bizim isə bundan xəbərimiz olmayıb. Bir neçə odun götürüb odun sobasına atıb yandırdım. Odun yanandan sonra qazı bağladım. Bu zaman partlayış baş verdi. Bir anlığa nəyin baş verdiyini anlamadıq, elə bildik ki, ermənilər atır. Nətıcədə odun sobası sıradan çıxdı, qəlpələr isə ayağımı ağır yaraladı”.

Ehtimal olunur ki, Ermənistan Silahlı Qüvvələrinin atəşkəsin mütəmadi olaraq pozması nəticəsində atılan güllələrdən biri odunun içərisində ilişib qalıb. Bundan isə ev sahiblərinin xəbəri olmayıb. Məhz odunun içərisində qalan partlamamış güllə odun sobasının daxilində partlayıb.

Qeyd edək ki, Tovuzun Əlibəyli kəndində mütəmaddi olaraq Ermənistan Silahlı Qüvvələri tərəfindən atəşə məruz qalır. Nəticədə həm kənd sakinlərinin özlərinə, həm də mülklərinə ziyan dəyir.

Mənbə
ANS-TV-Ülvi Telmansoy