Milli.Az El TV-yə (Region TV) istinadən xəbər verir ki, Novruz bayramı münasibəti ilə Yevlax Şəhər İcra Hakimiyyətinin nümayəndələri Müdafiə Nazirliyinin və Dövlət Sərhəd Xidmətinin Yevlaxda yerləşən N saylı hərbi hissələrində əsgər və zabitlərlə görüşüblər. Bayram təbrikləri çatdırılıb,  hərbi hissələrə, eləcə də xidmətdə fərqlənən hərbçilərdən bir qrupuna  hədiyyələr  verilib. Tədbirlərin sonunda  konsert olub.

Baharın gəlişi Tərtər rayonunda təntənəli qeyd edilib. Bayram şənliyində sac üzərində qovurğa qovrulub, yuxa bişirilib, nehrələr çalxalanıb, yun daranıb. Tədbir rayon gənclərinin milli dirədöymə oyunu ilə davam etdirilib. İdmançılar bacarıqlarını nümayiş etdiriblər.

Bərdə rayonunda da Novruz şənliyi keçirilib. Mərasimdə Novruzun atributları nümayiş etdirilib. İncəsənət nümayəndələri konsert proqramı ilə çıxış ediblər.

Milli.Az