“Qan Donorları Assosiasiyası” İctimai Birliyi və Azərbaycan Qızıl Aypara Cəmiyyəti Binəqədi Rayon Bölməsinin birgə təşkilatçılığı ilə 17 mart, 2015-ci il tarixində Binəqədi rayonunda yerləşən M.Maqomayev adına 26 saylı onbirillik uşaq musiqi məktəbində sağlamlıq imkanları məhdud uşaqlar və yeniyetmələr üçün Novruz bayramı ərəfəsində musiqili əyləncəli şənlik proqramı təşkil olunub.

Şənlik proqramında Novruz bayramının simaları hesab olunan kosa və keçəl uşaqlarla görüşərək onlara, sözün əsl mənasında, maraqlı bir gün yaşadıblar. Şənlik proqramında musiqi məktəbinin şagird heyəti hazırladığı canlı musiqi parçaları ilə bayram sevincinə daha da gözəllik və şən əhval-ruhiyyə qatıb. Tədbir sonrası təşkilatçılar tərəfindən uşaqlara bayram hədiyyələri təqdim olunub.

Milli.Az