Birinciliyi Belarusdan olan gimnast Melitina Stanuta, “gümüş” medalı isə Rusiyadan olan gimnast İrina Annenkova əldə edib. Digər gimnastımız Zeynep Çelep çoxnövçülükdə və halqa ilə 8-ci yerdə qərarlaşıb. Yeniyetmələrdən ibarət qrup komandası 5 topla çıxışlarına görə 4-cü olub.
Eyni zamanda cənubda - İspaniyanın Barselona şəhərində Azərbaycan gimnastı Marina Durunda beynəlxalq turnirdə iştirak edib və o, gürzlərlə çıxışlarına görə 3-cü yerdə qərarlaşıb.
14-16 mart tarixlərində isə Çexiyanın Zlin şəhərində Azərbaycan gimnastlarının da yer aldığı beynəlxalq turnir keçirilib. Fərdi çıxışına görə Vladmir Dolmatov “gümüş” medal qazanıb, qarışıq cütlüyümüz isə (Dolmatova – Koltunova) iki cütlük arasında 1-ci yeri əldə edib. Anastasiya Koltunova da həmçinin, fərdi çıxışlarına görə finala çıxmağa müvəffəq olub, lakin daha sonra 10-cu yerdə qərarlaşıb.
Ölkəmizi bu yarışda yeniyetmə gimnastlar – Fəridə Ağayeva və Xədicə Quliyeva da təmsil edib. Onlar fərdi çıxışlarına görə müvafiq olaraq, 14-cü və 35 yerdə (38 yerdən) qərarlaşıblar.
MənbəANS PRESS
