Çexiyalı tennisçi Roje Federerlə görüşə Endi Mürreyin corabları ilə çıxıb

Çində keçirilən tennis üzrə ilin yekun turnirində maraqlı hadisə baş verib. Lent.az-ın “AFP”yə istinadən məlumatına görə, amerikalı Endi Roddiki əvəzləyən çexiyalı tennisçi Radek Ştepanek isveçrəli Roje Federerlə görüşə başqasının corabı və raketkası ilə çıxıb.

R.Ştepanek corabını britaniyalı həmkarı Endi Mürreydən, raketkanı isə serb həmkarı Novak Cokoviçdən götürüb. Məsələ ondadır ki, R.Federerlə oyuna bir neçə saat qalmış E.Roddik zədəsini səbəb göstərərək, turnirdə mübarizəni davam etdirmək istəməyib. Bundan sonra təşkilatçılar R.Ştepaneklə əlaqə saxlayaraq, E.Roddiki əvəzləməsini məqsədəuyğun saydıqlarını bildiriblər.

Tailanddan Şanxaya gələrkən, çexiyalının raketkası və idman forması gömrük məntəqəsində qalıb. Bu səbəbdən, R.Ştepanek idman ləvazimatlarını başqasından götürməli olub. Həmçinin, 30 yaşlı tennisçi kontakt linzalarını gətirə bilmədiyindən, R.Federerlə oyun öncəsi mağazadan almalı olub.

Görüş isə R.Federerin iki setdə qələbəsi ilə başa çatıb.


Elşən