Zərdab rayonunda oğurluq edən şəxs saxlanılıb. Milli.Az El TV-yə (Region TV) istinadən xəbər verir ki, rayon sakini Almaz Qasımova polis şöbəsinə müraciət edərək, ona məxsus mağazanın qapı qıfılının gecə saatlarında sındırıldığını və mağazanın qarət edildiyini bildirib.

Polis şöbəsinin əməkdaşlarının keçirdiyi əməliyyat-axtarış tədbirləri nəticəsində oğurluqda şübhəli bilinən rayon sakini, 18 yaşlı Orxan Qədirov saxlanılıb. Faktla bağlı Zərdab Rayon Polis Şöbəsində saxlanılan şəxs barəsində cinayət işi başlanılıb.

Milli.Az