Ermənistan rəhbərliyi öz valyutasından imtina edərək və rubla, avroya və ya başqa valyutaya keçmək istəyir.

ANS PRESS-in məlumatına görə, bunu müstəqil deputat Edmon Marukyan Rusiya prezidenti Vladimir Putin hökümətə və Rusiya Mərkəzi Bankına sentyabrın 1-dək Avrasiya İttifaqının vahid valyutaya keçidinə dair lazımi sənədlərin hazırlanmasına göstəriş verməsinə münasibət bildirərkən deyib.

O, Facebook səhifəsində yazıb: "Təbii, Ermənistanda bunun bizim üçün çox əhəmiyyətli, milli məzənnədən tezliklə qurtarmaq üçün faydalı olacağını düşünən insanlar tapılacaq. Bu insanların çıxışlarını dinləməzdən əvvəl bildirməyi lazım hesab edirəm ki, Ermənistanın dramdan imtina etməsi onun çökməsi deməkdir, bir dövlət kimi məhvi deməkdir. Milli valyutanın mövcudluğu məcburi tələbdir və ölkə Konstitusiyasının 83.3 maddəsində təsbit edilib."

Onun sözlərinə görə, Ermənistanın müstəqillik bəyannaməsinin 8 bəndində yazılıb ki, Ermənistan Respublikasının şəxsi pul vahidi dramdır.

Beləliklə, Ermənistan milli pul vahidindən imtina edə və rubla, avroya və ya hər hansı başqa valyutaya keçməməlidir. Əksinə, daha yaxşı olar ki, dramı möhkəmləndirmək üçün işlər görülsün, vətəndaşlarımızın inamını qazanan etibarlı valyutamız olsun, banklar təbii fəaliyyətini yeniləmək imkanına malik olsun və qeyri-müəyyən, gözlənilməz vəziyyətə düşməsinlər. Bu təşəbbüs ölkənin və iqtisadiyyata böyük zərbə vuracaq.

Xatırladaq ki, Rusiya, Qazaxıstan, Belarus, Ermənistan və böyük ehtimalla Qırğızıstanın gələcəkdə vahid valyuta növündən istifadə edəcəyi gözlənilir. Vahid valyutanın tətbiqi Avrasiya İqtisadi İttifaqının nizamnaməsində də nəzərdə tutulub. Həmin sənədlərə əsasən, İttifaqın 2025-ci ilə kimi Vahid Mərkəzi Bankı yaradılmalıdır.
Mənbə
ANS PRESS