"Apple" şirkəti alimlər üçün yeni "ResearchKit" əlavə proqramını istifadəyə verəcək.

ANS PRESS-in məlumatına görə, bu alət açıq mənbə üzərindən alimlərə "iPhone" vasitəsilə pasientlər haqda məlumat yığmaq imkanı verəcək. Bu barədə ICTnews elektron xidməti bildirir.

Bir neçə yüksək səviyyəli araşdırma institutları "ResearchKit" platforması ilə işləmək, həmçinin astma, döş xərçəngi, ürək xəstəliyi, diabet və Parkinson xəstəliklərini öyrənmək üçün və araşdırma aparmaq üçün yeni əlavələr yaradıblar. Bu ali məktəblər arasında Stenford Universitetinin Səhiyyə Məktəbi və "WeillCornell" Səhiyyə Kollecini qeyd etmək olar.

"ResearchKit" platforması "Apple" şirkətinin "HealthKit" proqramı ilə birgə işləyəcək. Belə ki, "iPhone" vasitəsilə çəki, qan təzyiqi, şəkərin səviyyəsini və astma barəsində məlumat toplamaq, sağlamlıq və fitness funksiyalarından istifadə etmək olar.

Proqram tərtibatçılara yeni nəsil araşdırma populyasiyası yaratmağa və adi akademik səhiyyə mərkəzlərinə xas olan məsafə asılılığını aradan götürməyə kömək edəcək.
Mənbə
ANS PRESS