Topaz Premyer Liqasının 3-cü turu "Neftçi"nin futbolçusu Dario Frederiko üçün əlamətdar olub.
Milli.Az xəbər PFL-in saytına istinadən verir ki, braziliyalı yarımmüdafiəçi Azərbaycan çempionatlarında yubiley - 50-ci oyununu keçirib. Ölkəmizdə 2015/16 mövsümündə debüt edən cənubi amerikalı fasilələrlə çıxış etdiyi Premyer Liqada iki klubun formasını geyinib.
"Kəpəz"də 47 matçda 11 qola sevinən Dario, cari mövsümdən şərəfini qoruduğu paytaxt klubundakı 3 oyunda 1 dəfə fərqlənib.
Qeyd edək ki, Dario Azərbaycan çempionatlarında 50 və daha çox oyun keçirən 27-ci braziliyalıdı.
Milli.Az
