“Biz soyqırımla bağlı mövqelərinə görə Avrasiya İttifaqından olan müttəfiqlərimizə tələblər irəli sürməliyik, onlardan narazı qaldığımızı bildirməliyik və hətta onlarla danışıqları kəsməliyik”.

Bu sözləri Ermənistan Milli Məclisinin deputatı, keçmiş xarici işlər naziri Aleksandr Arzumanyan bildirib.

“Biz aprelin 24-də İrəvana gəlmədiyinə görə Obama və Merkeldən inciyirik, amma Qazaxıstan prezidenti Nursultan Nazarbayev və Belarus prezidenti Aleksandr Lukaşenko da İrəvana gəlməyəcək” deyən Arzumanyan sonra əlavə edib: “Amma biz yaxın müttəfiq kimi Almaniya və ABŞ-ı deyil, məhz onları seçmişik”.

Keçmiş xarici işlər nazirinin fikrincə, Ermənistan bu ölkələrə qarşı öz tələblərini irəli sürə bilər və sürməlidir. O həmçinin xatırladıb ki, aprelin 24 ABŞ prezidentinin çıxışı məhz ənənəvi olub. Halbuki, Ermənistanın əsas müttəfiqi olan Rusiya tanınma barədə sənədi 20 il qabaq qəbul edib.

Yəqin ki, cənab Arzumanyana xatırlatmaq lazımdır ki, İrəvana Böyük Britaniya, Avstraliya, Avstriya liderləri də, hətta Burkina-Fasonun və çox sayda başqa ölkələrin təmsilçiləri gəlməyəcək. Onlar da ermənilərin soyqırımın yüzilliyi adlandırdığı ümumierməni əcinnə yığnağında iştirak etməyəcəklər.
Mənbə
ANS PRESS