Bakı. 16 aprel. REPORT.AZ/ Yeni inkişaf mərhələsinə çıxmaq üçün Rusiyaya qarşı olan sanksiyalardan istifadə etmək lazımdır. "Report" xəbər verir ki, bu barədə Rusiya prezidenti Vladimir Putin "birbaşa xətt" zamanı qərbin tədbiq etdiyi sanksiyaların ölkə iqtisadiyyatına təsirini şərh edərkən bildirib.
"Sanksiyaların nə qədər müddətdə davam edəcəyinə gəldikdə, mən deyərdim ki, yeni inkişaf mərhələsinə çıxmaq üçün biz sanksiyaların tədbiqi nəticəsində  yaranan vəziyyətdən istifadə etməliyik", - dövlət başçısı vurğulayıb. 
Onun sözlərinə görə, dövlət idxalın əvəz olunması siyasəsətinə getməyə məcburdur və bu siyasət davam etdiriləcək. "Mən ümid edirəm ki, bu  iqtisadiyyatın yüksək texnoloji sahələrinin əvvəllər olduğundan  daha böyük templərlə inkişafına gətirəcək", - prezident bildirib. 
V.Putin qeyd edib ki, hökumətin verdiyi proqnozlara əsasən, ölkə iqtisadiyyatının bərpa olunmasına 2 il və ya daha az müddət tələb oluna bilər.