Bakı, 16 aprel, AZƏRTAC
Ermənistan ordusundakı özbaşınalıqlar, artan ölüm halları cəmiyyətdə narazılığı çoxaldıb. Son aylar Ermənistan ordusu 30-dan artıq itki verib. İşğalçı ölkənin Müdafiə Nazirliyinin bu faktı gizlətməyə çalışması narazılıqları daha da artırıb. İrəvanda oğulları Ermənistan ordusunda həlak olmuş erməni analar Prezident Administrasiyasının önünə toplaşaraq aksiya keçiriblər. Onlar bütün bu xoşagəlməz halların günahkarının prezident Serj Sarkisyan olduğunu bildiriblər. Buna görə də analar prezidentin və müdafiə nazirinin fotosunu ayaqları altına atıblar.
Etiraz aksiyasının iştirakçıları Prezident Administrasiyasından çıxan keşişi də tənqid atəşinə tutublar.
Keşiş erməni qadınlara oğullarının qatilləri ilə bağlı məsələnin hüquqi yolla həll olunacağını bildirib. Əvəzində isə “puç olmuş sistemin hansı hüquqi yolu ola bilər?” cavabını alıb.