Qahirə heç bir vəchlə Yəmənə qarşı quru əməliyyatında iştirak etməyəcək.

ANS PRESS-in məlumatına görə, bunu Misir silahlı qüvvələrinin sözçüsü Məhəmməd Səmir ölkəsinin quru qüvvələrinin Yəməndə olması xəbərini təkzib edərkən bildirib.

Misir silahlı qüvvələrinin sözçüsü həmçinin Yəmənə qarşı hücumda bir neçə misirli əsgərin ölməsi və ya ağır yaralanması barədəki xəbəri də şayiə adlandırıb.

Məhəmməd Səmir eyni zamanda Misirin dəniz və hava qüvvələrinin Yəmənə qarşı koalisiyada iştirak etməsini təsdiq edib.

Qeyd edək ki, “İnadkar tufanı” əməliyyatı Husilərin təşkil etdiyi çevriliş nəticəsində ölkədən qaçan Yəmən prezidenti Əbd Rabbu Mansur Hadinin təklifi ilə başlayıb. Əməliyyatı Səudiyyə Ərəbistanı başçılığı ilə koalisiya qüvvələri aparır.
Mənbə
ANS PRESS