Azərbaycan, Bakı, 15 aprel /Trend, müxbir Rufiz Hafizoğlu/
Ermənistan işğal etdiyi Azərbaycan torpaqlarını azad etməlidir. Trend-in “Anadolu” agentliyinə istinadən verdiyi məlumata görə, bunu Türkiyə Böyük Millət Məclisinin sədri Cəmil Çiçək deyib.
O, qeyd edib ki, Dağlıq Qarabağ münaqişəsində Türkiyənin mövqeyi dəqiq və aydındır: “Türkiyə bütün beynəlxalq konfranslarda Dağlıq Qarabağ münaqişəsini gündəmə gətirir”.
Parlament sədri təəssüflə bildirib ki, ATƏT-in Minsk qrupu bu münaqişənin həlli üçün hələ də fəallıq göstərmir: “Dağlıq Qarabağ münaqişəsini həll etmədən Cənubi Qafqazda sülhə nail olmaq qeyri-mümkündür”.
Məqalə müəllifi ilə əlaqə ünvanı: agency@trend.az
Bizi Twitter-dən izləyin: @trend_az
