Bakı. 10 aprel. REPORT.AZ/ Bakının tarixi hissəsi - "İçərişəhər" ərazisində, Şirvanşahlar Sarayının yaxınlığında fəaliyyət göstərən dünyada ilk və yeganə özəl miniatür kitab muzeyi 2 aprel 2002-ci ildə fəaliyyətə başlayıb. Muzey Zərifə Salahova tərəfindən 20 ildən artıq müddətində toplanmış nadir kolleksiyası əsasında yaradılıb. 
Muzeyin ekspozisiyası 27 vitrində yerləşdirilib. Vitrinlərə 67 ölkədə nəşr edilən 5600 miniatür kitab düzülüb. Ekspozisiyada nümayiş etdirilən mikro-kitabların 3-ü ən nadir nüsxələrdir. 
Muzeydəki ən kiçik ölçülü kitab isə 22 səhifəlik 0.75mm x 0.75mm ölçüsündə olan mikroskopik kitabdır. Kitab 2012-ci ildə Yaponiyanın "Toppan printing" nəşriyyatı tərəfindən çap olunub.
"Report" muzeydən hazırladığı reportajı təqdim edir.