Bakı. 13 aprel. REPORT.AZ/ İran Məkkəyə ümrə ziyarətlərini dayandırıb.
"Report" "Anadolu" Agentliyinə istinadən xəbər verir ki, bu haqda İranın İslam İrşad və Mədəniyyət naziri Əli Cənnəti bildirib.
"Səudiyyə Ərəbistanının diplomatik qurumları ilə aparılan danışıqda bizə tutulan adamların mühakimə olunacağını, hətta onların edam ediləcəyini bildirdilər. Hələ ki, əməli bir iş görməyiblər. Biz də xalqımızın qürurunun sındırılmaması üçün bu qərarı qəbul etdik. İranlı iki gənc barəsində məhkəmə başa çatanadək biz də ümrə ziyarətlərini və ora uçuşları dayandırdıq", - o, vurğulayıb.
Xatırladaq ki, İranın iki vətəndaşı Səudiyə Ərəbistanının Ciddə şəhərinin hava limanıında tutulub. Onlar İranın xeyrinə casusluqda şübhəli bilinirlər.