Bakı, 12 aprel, AZƏRTAC
Mayın 1-2-də Gəncədə Azərbaycan Texnologiya Universitetində (ATU) Təhsil Nazirliyi və ATU-nun birgə təşkilatçılığı ilə ümummilli lider Heydər Əliyevin anadan olmasının 92-ci ildönümünə həsr edilən “Kreativ sənaye texnologiyalarının tədrisi və tətbiqi” mövzusunda müəllim və tələbələrin beynəlxalq elmi-praktiki konfransı keçiriləcək.
AZƏRTAC ictnews.az saytına istinadla xəbər verir ki, konfransda informasiya-kommunikasiya texnologiyalarının elm, təhsil və sənayedə tətbiqi, qida sənayesinin müasir texnologiyaları və ekspertiza, tekstil, yüngül sənayedə yeni materiallar və texnologiyalar, metallurgiya sənayesində texnologiyaların təkmilləşdirilməsi və tullantıların emalı, maşınqayırmada texnika və texnologiyaların inkişafı, Azərbaycanda kreativ iqtisadiyyatın inkişafı və digər istiqamətlərdə müzakirələrin aparılması nəzərdə tutulur.
Ətraflı məlumatı ATU-nun rəsmi səhifəsindən əldə etmək olar.