Bir Kim Kardaşyan milyard Şarmazanova dəyər (Eduard Şarmazanov - Ermənistan Milli Məclisinin vitse-spikeridir - red.).

Bu, fikir respublika parlamentinin fraksiyalarından birinin başçısı Levon Zurabyana məxsusdur. Onun sözlərinə görə, Kardaşyanın fəaliyyəti Şarmazanov və ona oxşayanların yalançı vətənpərvər çıxışlarınadan daha çox fayda gətirir, düzdür o, Kardaşyanın hansı fəaliyyətlə məşğul olduğunu dəqiqlərşdirməyib.

Zurabyanın vitse-spikerə oxşayanlar sırasında ölkə prezidentini də nəzərdə tutub-tutmadığını yerli qəzetlər dəqiqləşdirməyib, amma Serj Sarkisyan da yalançı vətənpərvər bəyanatlar verməyi çox sevir. Zurabyan həmçinin jurnalistlərə bildirib ki, Kardaşyan "kommunikativ vərdişlərə" malik gözəl qadındır. Nədənsə, bu dəfə də nə demək istədiyini açıqlamadı.

Kim Kardaşyanın və bacısının İrəvana səfəri yerli mətbuatın diqqət mərkəzində qalmaqdadır. Qəzetlər çox riqqətlə yazır ki, Kardaşyan öz fanatlarına pizza paylayıb, yəqin ki, hamısı ac imiş. Başqa bir qəzet yazır ki, Kardaşyanın gəlişi bütün erməni xalqını oyadıb.

Kim Kardaşyanın bacısı Xloya da diqqətdən kənarda qalmayıb. 30 yaşlı qadının sözlərinə görə, onun əsas arzusu məhz tarixi vətəni Ermənistanda hamilə qalmaqdır. Amma təəssüf ki, onun boşanmaq ərəfəsində olan əri Ermənistan paytaxtına gəlməyib. Xloya Kardaşyan, əlbəttə ki, çox narahat olub. Yəni Ermənistanda elə bir kişi tapılmır ki, Kardaşyanın bu dəyərli arzusunu gerçəkləşdirsin?
Mənbə
ANS PRESS