Tanınmış simaların yer aldığı serialı izləməyiniz məsləhətdir. Komediya janrında olan serialın ssenari müəllifləri Ənvər Abbasov, Samid Ağayev və Elnur Hüseynovdur. Baş prodüseri tanınmış gülüş ustası Elməddin Cəfərov, rejissoru isə Ramin Hacıyevdir.
Serialın ssenaristi Samid Ağayev Milli.Az-a ötən həftə üçün tamaşaçılardan üzr istədiklərini dedi: "Keçən həftə texniki səbəblərdən yeni seriyamız yayımlanmadı. Tamaşaçılarımızı üzdüyümüzün fərqindəyik və bunun üçün bu həftə onlara keçən həftəni unutduracaq bir bölüm hazırlamışıq. Baxın, doyunca baxıb, gülün ki, sonra həsrət qalmayasınız. Biz sizi düşünərək hərəkət edirik. Siz də bizi tək buraxmayın".
Hər kəsi hər şənbə günü ATV-nin efirində, saat 21:30-da nümayiş olunacaq "Qız atası" serialına baxmağa dəvət edirik. Bu həftə isə qonaq qismində tanınmış yumorist Fərda Xudaverdiyevdir.
Qeyd edək ki, "Qız atası" serialının informasiya dəstəyi Milli.Az-a məxsusdur.
Serialın anonsunu təqdim edirik.
Milli.Az
Videonu izləmək üçün şəkilə klikləyin.
