Qusarda maskalı şəxs mağazanı qarət edib. Amma mühafizə əməkdaşları onun istəyini gerçəkləşdirməyə qoymayıblar.

ANS TV-nin məlumatına görə, gecə saatlarında Qusar şəhər Heydər Əliyev prospektində yerləşən mağaza qarət edilib. Maskalı şəxs mağazadan siqaret, müxtəlif içkilər və kassadan pul oğurlamaq istəyib. Amma xidmətdə olan Qusar mühafizə bölməsinin əməkdaşları onun bu əməlini həyata keçirməsinə imkan verməyiblər.

Polis şöbəsinin əməkdaşları da dərhal hadisə yerinə gələrək faktın araşdırılmasına başlayıblar. Yaxalanan şəxsin 23 yaşlı Qusar şəhər sakini Rəşid Rəhimxanov olduğu məlum olub.

Qusar RPŞ-nin baş müstəntiqi Rəfael Tağıyev bildirib ki, Rəşid Rəhimxanov oğurluq əməllərini törətmək üçün əvvəlcədən özü ilə əlcək götürmüş, tanınmamaq məqsədilə kapişondan istifadə etmiş və üzünə şərf taxmışdır. Həmçinin mağazanın qapısını açmaq üçün mismarçıxardan lingdən də istifadə edib.

İsti izlərlə istintaqa cəlb edilən Rəşid Rəhimxanov hadisə yerində törətdiyi əməli etiraf edib. Saxlanılan gənc oğurluğu sərxoş halda elədiyini təsdiqləyib:

“İçkili olmuşam, eyni zamanda düzgün hərəkət etmədiyimi də etiraf edirəm”.

Özgə malına göz dikən Qusar sakini barəsində oğurluq maddəsilə cinayət işi açılıb.

Mənbə
ANS TV: Aytəkin Alxaslı