Ukrayna prezidenti Pyotr Poroşenko yerli telekanallarda Rusiya silahlı qüvvələrinin və hüquq-mühafizə orqanlarının təbliğatına yönəlmiş və bu strukturların fəaliyyətini əks etdirən filmlərin yayımlanmasını qadağan edən qanun imzalayıb.

ANS PRESS-in məlumatına görə, Ukrayna Dövlət Kino Agentliyi tərəfindən yayımlanması qadağan olunan filmlərin “qara siyahı”sı da hazırlanıb.

Bu sırada "Снайпер", "Служу Отечеству", "Господа офицеры", "Туман", "Брат-2", "Спецназ", "Поддубный", "Белая гвардия" və sairə filmlər yer alıb.

Qəbul olunmuş yeni Qanuna görə Rusiya xüsusi xidmət orqanları, silahlı qüvvələri və hüququ mühafizə oraqanlarının fəlaiyyətini bəddi formada təqdim edən filmələr Ukrayna ərazisində yayımlana bilməz.

Qeyd edək ki, Rusiya filmlərinin Ukrayna telekanallarında yayımını qadağan edən qanun Ali Rada tərəfindən bu il fevralın 5-də qəbul olunub.
Mənbə
ANS PRESS