"Dünyada ən gözəl şey valideyn olmaqdır". Bu sözlər dünya şöhrətli azərbaycanlı musiqiçi Əzizə Mustafazadəyə məxsusdur.

ANS PRESS-in məlumatına görə, Almaniyada yaşayan musiqiçi Azadlıq radiosuna müsahibəsində ana olması ilə bağlı sualı cavablandırmaq istəməyib.

Əzizə xanım, "Xəbər almışıq ki, övladınız olub, doğrudurmu?" sualını birbaşa cavablandırmayıb: "Bu, mənim özəl həyatımdır. Bilmirəm bu məlumatı hardan almısız, amma mən daha çox musiqidən danışmaq istəyirəm. Bir şeyi deyə bilərəm ki, dünyada ən gözəl şey valideyn olmaqdır. Dünyada heç bir uğur valideyn olmaqla müqayisə oluna bilməz. Uşaq insanın ən böyük uğurudur, yəqin ki. Mənim üçün ailə birinci növbədə gəlir. Amma hamı üçün belə deyil. Musiqi isə... Musiqi də ailədir. Ailə və musiqi o qədər bir-birinə bağlıdır ki... Amma çox mühümdür ki, sənin ərin kimdir.. Səni yaxşı anlayan biridirmi?".

Bu cavabı Əzizə Mutafazadənin ana, görkəmli cazmen Vaqif Mustafazadənin isə baba olmasına işarə kimi qəbul etmək olar.
Mənbə
ANS PRESS