Novruzda qidalanma rejiminə diqqət etmək lazımdır.

ANS TV-nin məlumatına görə, hamının sevə-sevə qeyd etdiyi Novruz günlərində süfrələr xüsusi zövqlə hazırlanır. Süfrələrimizi bəzəyən təamlardan, çeşidli içkilərdən doymadan dadırıq. Qəbul etdiyimiz qidalar arasında şəkərbura paxlava kimi şirniyyatlar, plov, dolma, ləvəngi, kabab kimi ətli və yağlı təamlar, salat çeşidləri üstünlük təşkil edir. Bu isə qidalanma rejimimizdə böyük dəyişikliklərə səbəb olur. Həddindən artıq yağlı və şirin olan bu qidalar ilk növbədə qəbul etdiyimiz kalorinin miqdarını dəfələrlə artırır. Bu cür qidalardan ard-arda istifadə mədə-bağırsaq sistemində pozulmanı, qan təzyiqinin yüksəlməsi və piylənməni qaçılmaz edir. Yəni özü ilə sevinc, xöşbəxtlik gətirən bayram bir çoxları üçün xoş günləri ağrıya-acıya çevrilir. Ona görə də həkimlər bayram günlərində hər kəsin xüsusilə hansısa xəstəlikdən əziyyət çəkən insanların ehtiyyatlı qida qəbul etmələrini məsləhət görür.

Həkim Arzu Baxışova mədə bağırsaq və şəkərəli diabet xəstələrinin xüsusilə diqqətli olmalarını məsləhət görür. Həkim bildirdi ki, bu ərəfələrdə çox yağlı yeməməli, çoxlu su içməlidir.

Təcili yardım bayram günlərində gücləndirilmiş iş rejimində işləyəcək.

Digər tərəfdən Novruz bayramının adət-ənənələrə görə, bir neçə gün davam etməsi bu günlərdə bişirilən qidaların bayram günlərindən sonra istifadə olunması, saxlanma qaydasına düzgün riayət olunmaması insanlarda zəhələnmələrə də səbəbə ola bilər. Bu kimi hallarda isə təcili yadıma müraciət edə bilərsiniz. Bayram günlərində poliklinikalar işləmədiyindən Bakı Şəhər Təcili və Təxirəsalınmaz tibbi yardım stansiyasına müraciət edəcək insanlarının sayı çox olduğunu nəzərə alaraq gücləndirilmiş iş rejimində çalışacaq.

Baş həkimin müavini Oqtay Şahmalıyev bütün heyətin gücləndirilmiş iş rejimində çalışdıqlarını bir daha vurğuladı.

Bayram günlərində qurumun 140 həkim briqadası Bakının 12 rayonunda insanlara xidmət göstərəcək.

Gücləndirilmiş iş rejimi mart ayının 9-na qədər davam edəcək.

Mənbə
ANS TV