Hondurasda qorxunc hadisə baş verib.

Axşam.az-ın "Dailymail"ə istinadən məlumatına görə, ölkənin üç məşhur modeli faciəvi şəkildə qətlə yetirilib. Modellərin olduğu mikroavtobus silahlı şəxslər tərəfindən saxlanılıb. Onlar 28 yaşlı Alma Mariella Varqas, 21 yaşlı Medlin Ramirez Zambrano və 20 yaşlı Blanka Velasquez Alexandra Mejianı yerə uzadıb güllələyiblər.

Paytaxt Tequsiqalpada baş verən hadisədə daha bir qadın və bir kişi yaralanıb. Polis hadisə ilə bağlı araşdırma aparır.