Gürcüstanda azərbaycanlı məhkumlara ictimai-siyasi vəziyyətdən xəbərdar olmaları üçün öz ana dillərində dərc olunan qəzet paylanılır.

ANS TV-nin Gürcüstan bürosunun məlumatına görə, Gürcüstanda Barış və Vətəndaş Bərabərliyi Nazirliyinin təşəbbüsü ilə ölkənin cəzaçəkmə müəssisələrində olan azərbaycanlı məhbuslar üçün doğma dillərində çap olunan yazılı mətbuatın yayılması prosesinə başlanılıb.

İlk mərhələdə məhbuslara azərbaycan dilində nəşr olunan “Gürcüstan” və “RegionPress” qəzetləri paylanılır.

“Bu layihənin məqsədi cəzaçəkmə müəssisələrində olan milli azlıqların, azərbaycanlıların Gürcüstanda gedən proseslərdən məlumatlı olmalarına nail olmaqdır. Bundan başqa bizim nazirlik cəzaçəkmə və Provasiya Nazirliyilə birgə orada olan azərbaycanlı məhbusların inteqrasiyası üçün və məşğul olmaları üçün bir çox layihələr düşünür”, – deyə Barış və Vətəndaş Bərabərliyi nazirinin müşaviri Zaur Darğallı bildirib.

Azərbaycanlı məhbusları Novruz bayramı ilə əlaqədar da yeniliklər gözləyir:

Zaur Darğallı: “Novruz bayramlı ilə bağlı bizim tərəfimizdən cəzaçəkmə müəssisələrinə xüsusi menyu göndərilib. Və orada olan məhbuslarımız həmin menyudan istifadə edə biləcəklər”.

Gürcüstandakı həbsxanalarda məhkum olunan əcnəbi məhbuslar arasında say baxımından Azərbaycan vətəndaşları 39 nəfərlə türklər və ruslardan sonra 3-cü yeri tutur.

Mənbə
ANS TV: Nəriman Hüseynov