Bakı, 13 mart, AZƏRTAC
Martın 13-də Azərbaycan Memarlar İttifaqının təşkilatçılığı ilə “Margraf SPA” şirkətinin təqdimat mərasimi keçirilib.
AZƏRTAC xəbər verir ki, tədbirdə Memarlar İttifaqının İdarə Heyətinin sədri Elbəy Qasımzadə Azərbaycanda bütün sahələrdə, o cümlədən inşaat sektorunda gedən sürətli inkişafdan danışıb. Azərbaycanda çoxlu sayda xarici şirkətin fəaliyyət göstərdiyini söyləyən E.Qasımzadə bildirib ki, onlardan biridə texnoloji eksperimentlər yolu və yüksək ustalıq səviyyəsi ilə mərmərin əldə edilməsi və işlənilməsində 100 illik təcrübəsi olan “Margraf SPA” şirkətidir.
“Margraf SPA”-nın ixrac üzrə meneceri, iqtisadi elmlər doktoru Deborah Bernaconi şirkətin təbii mərmər hasilatı və emalı sahəsində lider olduğunu deyib, xatırladıb ki, şirkət Azərbaycanda “For Seansons” oteli, Şamaxıda “Cüma” məscidi, “Şahdağ”da iki layihədə iştirak edib.
Sonda “Margraf SPA” şirkətinin texniki mütəxəssisi Aleksandro Maggino mərmərdən istifadə sahəsində təkamüldən, dünya memarlığında mərmərdən istifadə üzrə tarixi məqamlardan danışaraq tədbir iştirakçılarına ətraflı məlumat verib.