Rusiya prezidenti Vladimir Putinin ictimaiyyət qarşısına nə vaxt çıxacağı bəlli olub.

ANS PRESS-in məlumatına görə, bu barədə prezidentin mətbuat katibi Dmitri Peskov açıqlama verib.

Peskov bu həftənin sonuna kimi dövlət başçısının planlarından danışıb.

"Həftə sonuna qədər bir sıra görüşlər planlaşdırılıb, həmişəki kimi istirahət günləri ərzində də bəzi görüşlər ola bilər. Növbəti həftə kifayət qədər işlər var. Bura Qələbə günün ilə bağlı hazırlıqlar, beynəlxalq məsələlər, müəyyən sənədlərin imzalanması və Rusiya – Cənubi Osetiya üzrə danışıqlar nəzərdə tutulub", - deyə Dmitri Peskov bildirib.

Onun sözlərinə görə, prezidentin qrafiki mütəmadi olaraq dəyişir və Putin çox görüşlər keçirir.

Qeyd edək ki, mətbuatda Vladimir Putinin xəstə olduğu barədə xəbərlər yayılmışdı. Putin bir müddətdir ki, ictimaiyyət qarşısına çıxmır.
Mənbə
ANS PRESS