Bakıda 22 yaşlı qız itkin düşüb.

Binəqədi Rayon Polis İdarəsinin 40-ci polis bölməsindən ANS TV-yə verilən məlumata görə, 1993-cü il təvəllüdlü Quliyeva Nargilə evdən çıxıb və bir daha geri qayıtmayıb.

Bununla bağlı 1962-ci il təvəllüdlü Bərdə rayonunda anadan olan, Bərdə Şəhəri Əbilov küçəsi, ev 2-də yaşayan Mustafayeva Maral Sabir qızı ərizə ilə polisə müraciət edib.

Müraciətdə qeyd edilir ki, qızı Quliyeva Nargilə Neymət qızı martın 6-da saat 12 radələrində Bərdə şəhərində yaşadığı evdən çıxıb və Binəqədi rayonu, Xocahəsən qəsəbəsi yeni məhəllədəki evlərinə gəlib.

Özü ilə gətirdiyi və içərisində geyim, kosmetika əşyalar olan yol çantasını, habelə çəkməsini və geyindiyi gödəkcəsini evdə qoyub. “Noutbuk”u götürərək yaşadıqlari evdən çıxıb və geri qayıtmayıb.

Nargilə Quliyevanın əlamətləri: boyu 160 santımetr, sarışın uzun saçlı, kafi köklükdədir. Nargilə Quliyevanın yerini bilənlərdən Binəqədi Rayon Polis İdarəsi və ya 40-ci polis bölməsinə məlumat vermələri xahiş olunur.

Həmçinin məlumatı olan şəxslər bu barədə 012-346-02-02 şəhər və 050-611-61-83, 051-490-28-59 mobil nömrələrinə zəng vuraraq da məlumat verə bilərlər.

Mənbə
ANS TV