Rusiyanın tanınmış müxalif siyasətçisi Boris Nemtsovun qətlinin sifarişçiləri olmayıb.
APA-nın məlumatına görə, bu barədə “Rosbalt” agentliyinə hüquq-mühafizə orqanlarındakı mənbə bildirib.
İlkin versiyaya əsasən, cinayəti “Şimal” xüsusi batalyonunun keçmiş döyüşçüləri Zaur Dadayev və Beslan Şavanov birgə planlaşdıraraq həyata keçiriblər.
“İşdə olan dəlil-sübutlar, şahidlərin və əsas müttəhimin ifadəsinə əsasən belə nəticəyə gəlmək olar ki, qətl Dadayev və Şavanovun şəxsi təşəbbüsü ilə baş tutub”, mənbə bildirib.
Xatırladaq ki, Zaur Dadayev martın 6-da İnquşetiya ərazisində yaxalanıb. Moskvanın Basman Rayon Məhkəməsinin qərarı ilə Z. Dadayev barəsində həbs qətimkan tədbiri seçilib. Beslan Şavanov isə Çeçenistanda saxlanılarkən həlak olub.
