Bakı, 8 mart, AZƏRTAC
Hatra şəhərinə qarşı həyata keçirilən barbarlıq İŞİD-in ərəb xalqının tarixi irsinə nifrətini nümayiş etdirir.
AZƏRTAC xəbər verir ki, bu sözlər UNESCO-nun baş katibi İrina Bokova və İSESCO-nun rəhbəri Əbdüləziz Usman Əltüveyrcinin İŞİD silahlılarının İraqda yerləşən qədim Hatra şəhərini dağıtması ilə bağlı yaydığı bəyanatda qeyd olunub.
UNESCO-nun saytında yerləşdirilən bəyanatda bildirilir ki, qədim Hatra şəhərinin dağıdılması İŞİD tərəfindən həyata keçirilən mədəni irsin məhv edilməsi prosesində yeni mərhələ və dəhşət yaradan bir məqam olduğunu qeyd edib. Onlar bunu islam ərəb şəhərlərinə qəsd kimi qiymətləndiriblər.
Tarixi mənbələrdə Hatra şəhəri haqqında eramızdan əvvəl III əsrdə məlumat verilib. Şəhər Parfiya imperiyasının tərkibinə daxil olub. Şəhər bizim eranın I-II əsrlərində çiçəklənmə dövrünü yaşayıb, 241-ci ildə I Şapurun qoşunları tərəfindən ələ keçirilib.