"Mercer" məsləhət şirkəti illik Yaşayış İndeksi-2015 hesabatını dərc edib.

ANS PRESS-in məlumatına görə, 230 şəhəri əhatə edən indeksdə Vyana (Avstriya) dünyada ən yaxşı həyat şəraiti olan şəhər seçilib. Sonrakı yeri Sürix (İsveçrə), Oklend (Yeni Zelandiya), Münhen (Almaniya) və Vankuver (Kanada) tutur.

Mərkəzi və Şərqi Avropa şəhərlərində həyat şəraiti daha keyfiyyətlidir. Praqa 68, Budapeşt və Lyublyana 75-ci yerlərdədir. Avropa regionunda həyat keyfiyyətinin ən aşağı səviyyədə olduğu şəhərlər Kiyev (176), Tirana (180) və Minskdir (189).

İndeksin sonunda Bağdad qərarlaşıb. Bakı 197-ci, Tiflis 184-cü, Moskva 167-ci, Tehran 203-cü yerdə qərarlaşıb.

Şirkətin baş məsləhətçisi Kate Fitzpatrik "The Telegraph"a bildirib ki, Avropa şəhərləri daimilik, təhlükəsizlik və yüksək keyfiyyətə xas xüsusiyyətdə olduğu üçün yuxarı yerlərdədir. Avropa şəhərlərində yaxşı xəstəxanalar, məktəblər var. Onlar təhlükəsizdir və yaxşı nəqliyyat əlaqələri mövcuddur. Avstriya paytaxtı Vyana isə həm təmizdir, həm də bütün kateqoriyalar üzrə yüksək bal toplayıb.

"Mercer" qiymətləndirməni 10 kateqoriya üzrə aparıb: siyasi və sosial, iqtisadi, ictimai-mədəni mühit, tibbi şərait, məktəblər və təhsil, ictimai xidmətlər və nəqliyyat, istirahət, istehlak malları, ev və təbii mühit.

İlk və son onluqların siyahısı belədir:

1. Vyana, Avstriya

2. Sürix, İsveçrə

3. Oklend, Yeni Zelandiya

4. Münhen, Almaniya

5. Vankuver, Kanada

6. Düsseldorf, Almaniya

7. Frankfurt, Almaniya

8. Cenevrə, İsveçrə

9. Kopenhagen, Danimarka

10. Sidney, Avstraliya
...

220. Dəməşq, Suriya

221. Nuakşot, Mavritaniya

222. Konakri, Qvineya

223. Kinşasa, Konqo Demokratik Respublikası

224. Brazzavil, Konqo Respublikası

225. Sana, Yəmən

226. Ndjamena, Çad

227. Xartum, Sudan

228. Port-o-Prens, Haiti

229. Bangi, Mərkəzi Afrika Respublikası

230. Bağdad, İraq​
Mənbə
ANS PRESS