Bakı, 4 mart, AZƏRTAC
Hazırda ölkənin dörd bankı məcmu kapitala dair minimal tələbi hələ də yerinə yetirməyib.
AZƏRTAC Azərbaycan Mərkəzi Bankına istinadən xəbər verir ki, fevralın 1-nə olan məlumata görə, ölkədə fəaliyyət göstərən 45 bankdan 4-nün məcmu kapitalı 50 milyon manatdan aşağı olub. Bu bankların ümumi çəkisi 0,7 faiz təşkil edir.
Qeyd edək ki, Mərkəzi Bankın məcmu kapitalı haqqında qoyduğu tələb 50 milyon manatdır. Hazırda 9 bankın məcmu kapitalı 100 milyon manatdan çoxdur.