Bakı, 4 mart, AZƏRTAC
Martın 3-dən etibarən vətəndaşların “Caspian Development Bank (CDB)” ASC–də AZN və ya ABŞ dolları ilə bir il müddətinə yerləşdirdikləri əmanətlər faizlərin hər ay ödənilməsi şərtilə illik 12 faiz ilə hesablanacaq.
CDB-dən AZƏRTAC-a bildiriblər ki, yerləşdiriləcək əmanətlərin minimal məbləği 500 AZN və ya ABŞ dolları həcmində müəyyən edilir və əmanətçiyə əmanət məbləğinin 90 faizi həcmində kredit götürmək imkanı verilir. Beləliklə, bank əhalinin əmanətlərinin gəlirliliyini illik 3 faizədək artırmış olur. Həmçinin 60 ay müddətinə yerləşdiriləcək əmanətlər üzrə isə illik 14.5 faiz hesablanacaq.
“Caspian Development Bank” ASC-də yerləşdirilən 30 min manata (və ya valyuta ekvivalenti) illik faiz dərəcəsi 12 faizədək olan əmanətlər Əmanətlərin Sığortalanması Fondu tərəfindən sığortalanır.