Gədəbəydə uzun müddətdir rayon İcra Hakimiyyəti və yerili sahibkar arasında gedən məhkəmə çəkişməsinə nəhayət ki, son qoyulub. Nitəcədə sahibkar məhkəməni udub.

ANS TV-nin məlumatına görə, Gədəbəy rayonundan olan iş adamı Oqtay Əliyev Gədəbəy rayon İcra Hakimiyyəti tərəfindən ona edilən əsassız təzyiqlərə bu gün aydınlıq gətirib.

Bununla bağlı mətbuat konfransı keçirən Oqtay Əliyev bildirdi ki, Gədəbəyin Qalakənd kəndində inşa etdirdiyi turizm obyekti Gədəbəy rayon İcra hakimiyyəti tərəfindən heç bir əsas göstərilmədən dağıdılıb. Söküntü ilə bağlı məhkəmənin qərarı olmadan onun oyekti sökülüb. Amma obyektin tikintisi ilə bağlı aidiyyatı qurumlardan, xüsusən də ərazinin balansında olduğu Ekologiya və Təbii Sərvətlər Nazirliyinin müvafiq qurumundan rəsmi icazə alınıbmış. Amma Gədəbəy Meşə Mühafizəsi və Bərpası Müəssisəsinin Qalakənd meşəbəyliyinin 20 hektar sahəsindən istirahət-turizm məqsədi ilə istifadə etmək üçün həmin müəsssisə ilə 5 illik müqavilə də bağlanılıb.

Şikayətçi Oqtay Əliyev ona 170 min manata başa gələn həmin obyektin uçurulması ilə bağlı Gəncə İnzibati- İqtisadi Məhkəməsinə müraciət edib. Məhkəmə işi araşdırlıb və Oqtay Əliyevə məxsus həmin turizm obyektinin həqiqətən də Gədəbəy rayon İcra hakimiyyəti tərəfindən əsassız olaraq söküldüyünü bir daha təsdiqləyib. Nəticədə məhkəmə qərar qəbul edib. Cavabdeh Gədəbəy rayon İcra hakimiyyətindən 66 min 626 manat tutulub ki, buda iddiaçı Əliyev Oqtayın xeyrinə ödənilsin.

Oqtay Əliyev bu məhkəmədə qələbə qazandığını deyir. İndi qalır məhkəmənin qərarı ilə qarşı tərəfin ona verilən 10 gün müddətində dəymiş ziyanı ödəməsi.

Oqtay Əliyev onu da bildirdi ki, kompensasiya ödənildikdən sonra da həmin ərazidə yeni turizm obyekti tikəcək.
Mənbə
ANS TV, Hürü Əliyeva