"Real Madrid" gənc futbolçu Yan Diomandenin transferini yekunlaşdırıb.
Metbuat.az xəbər verir ki, insayder Fabritsio Romanonun məlumatına görə, Madrid təmsilçisi 19 yaşlı cinah oyunçusunun keçidi üçün 100 milyon avrodan çox vəsait ödəyib. Məlumata görə, transfer uğrunda mübarizə aparan PSJ isə yüksək transfer haqqı və maaş tələblərini əsas gətirərək danışıqlardan geri çəkilib. Paris klubu bildirib ki, Diomande üçün irəli sürülən maliyyə şərtləri bazar balansını pozur və klubun maliyyə siyasətinə uyğun gəlmir.
Qeyd edək ki, Fil Dişi Sahili millisinin üzvü olan Yan Diomande ötən il "Leqanes"dən "Leypsiq"ə transfer olunmuşdu.
