Amerika prezidenti Donalt Trampın həyat yoldaşı Melani Tramp uşaqlar üçün təşkil olunan kampaniya çərçivəsində bir həftəlik Afrika turuna davam edir.
Metbuat.az Türkiyə mediasına istinadla bildirir ki, Melani Tramp Afrika turunun ikinci günündə Qanaya səfər edib.
17-ci əsrdə minlərlə kölənin gəmilərlə Amerikaya göndərilmədən əvvəl keçdiyi “Dönüşü olmayan qapı” Trampı hüznləndirib.
Amma Amerika mətbuatında “First Lady”-nin səfərindən çox geydiyi geyimlərdən bəhs olunub.
Onun səfər zamanı geydiyi 50 dollarlıq ayaqqabı təəccüblə qarşılanıb. Malenia Trampın bu davranışı bir çox insanın rəğbətini qazanıb.
Trampın səfəri Malaviya, Kenya və Misirlə davam edəcək.
