“PC Mag” nəşri istifadəçilərin bir əməliyyat sistemi ilə işləyən smartfonlarını başqa platformanın idarəetməsi altında işləyən qurğulara dəyişməsinin səbəbini müəyyənləşdirmək məqsədi ilə araşdırma aparıblar. Jurnalistlər tərəfindən 2500 nəfər arasında keçirilmiş sorğu nəticəsində məlum olub ki, onların 54%-i “Apple”, 27% isə “Samsung” qurğusu işlədir.
 
“ICTnews” Elektron Xəbər Xidməti dailycomm.ru saytına istinadən yazır ki, əksər istifadəçilər (47%) “Android” sistemindən imtina edərək “iOS” platformasına keçidi “alma” şirkətinə məxsus əməliyyat sisteminin daha rahat və komfort iş sistemi ilə izah ediblər. Respondentlərin 30%-i “iOS”dan “Android”ə keçidi, həmçinin eyni səbəblə izah ediblər.
 
Respondentlərin 29%-i bildirib ki, istifadəçilər çox vaxt “iPhone” əvəzinə “Android” smartfonları ona görə satın alırlar ki, sonuncuların satış qiyməti daha ucuzdur.
 
Rəyi soruşulanların təxminən 24-25%-i bildirib ki, yeni smartfon satın aldıqda daha yaxşı funksiyalara (kamera, dizayn və sairə) çıxış əldə etmək məqsədilə mobil əməliyyat sistemini dəyişdiriblər.
 
Emil Hüseynov