Çin Ticarət Nazirliyinin ümumi həcmi 16 milyard dollar olan ABŞ məhsullarının idxalına tətbiq etdiyi 25 faizlik əlavə gömrük vergisi bu gün qüvvəyə minib.
Milli.Az Qafqazinfo-ya istinadən xəbər verir ki, Çin Ticarət Nazirliyi ABŞ-ın vergiləri qaldırması səbəbindən bu cavab addımının atılmasından başqa bir yolları qalmadığını açıqlayıb.
Xatırladaq ki, bu qərar 8 avqust verilmiş və 23 avqustda qüvvəyə minəcəyi bildirilmişdi.
Qeyd edək ki, iki ölkə arasındakı "iqtisadi müharibə" ABŞ-ın dəmirə 25, aliminiuma 10 faizlik əlavə gömrük vergisi tətbiq etməsindən sonra başlamışdı. Həmçinin 50 milyard dollar dəyərində ümumilikdə 1000-dən çox Çin mənşəli məhsulların vergisini 15-25 faiz arasında artırmışdı.
Çin də cavab olaraq yenə dəyəri 50 milyard dollar olan 659 adda ABŞ məşhsullarına əlavə 25 faiz vergi tətbiq etmişdi.
Milli.Az
