Müsabiqədə iştirak etmək istəyən müəllimlər aprelin 23-dən mayın 1-dək məlumata əlavə olunan müvafiq ərizə formasını dolduraraq Bakı Şəhəri üzrə Təhsil İdarəsinə təqdim etməlidirlər. Yerdəyişmə üçün ərizə verən müəllim təqdim olunan vakant yerlərdən maksimum 3 (üç) yer seçə bilər.
Ərizəyə işlədiyi məktəbdə daimi əsaslarla müəllim vəzifəsinə işə qəbul olunması haqqında əmrdən çıxarış (məktəbin möhürü ilə təsdiq edilməlidir), əmək kitabçasının surəti (məktəbin möhürü ilə təsdiq edilməlidir), şəxsiyyət vəsiqəsinin və diplomun surəti daxildir.
Ərizə forması və vakant yerlər barədə məlumatı Təhsil İdarəsinin saytından əldə etmək mümkündür.