Bakı. 22 aprel. REPORT.AZ/ Azərbaycanda yaşayan Polşa vətəndaşları mayın 10-da keçiriləcək prezident seçkilərində iştirak edə biləcəklər. 
Polşanın Azərbaycandakı səfirliyindən "Report"a bildiriblər ki, seçki məntəqəsi səhər saat 7.00-dan axşam saat 9-dək səfirliyin binasında fəaliyyət göstərəcək (Kiçik Qala küçəsi, 2).
Səfirlikdən həmçinin qeyd ediblər ki, Azərbaycanda yaşayan və seçkilərdə iştirak etmək istəyən Polşa vətəndaşları səfirlikdə qeydiyyatdan keçməlidir. 
Qeyd edək ki, prezident kürsüsü uğrunda ölkənin hazırkı prezidenti Bronislav Komorovski də daxil olmaqla, 11 namizəd mübarizə aparacaq.