Gecə saatlarında Şəki-Qax yolunun 15-ci km-liyində ağır yol qəza hadisəsi baş verib. Milli.Az Kanal S-ə istinadən bildirir ki, Züliyev Orxan Yunus oğluna məxsus 90-KD-349 dövlət nömrə nişanlı "VAZ-2107" markalı avtomobil körpünün məhəccərinə çırpılıb. Nəticədə maşında olan Qax şəhər sakini, 1988-ci il təvəllüdlü Züliyev Orxan hadisə yerindəcə keçinib.

Mərhumun cəsədi FHN-in xilasediciləri tərəfindən avtomobildən çıxarılıb. Avtomobili idarə edən, 1960-cı il təvəllüdlü, Zaqatala şəhər sakini Mustafayev Dəyanət Fəxrəddin oğlu isə xəstəxanaya aparılarkən yolda dünyasını dəyişib. Faktla bağlı araşdırma aparılır.

Milli.Az